रत्नागिरी | प्रतिनिधी : रेल्वेप्रवासादरम्यानच्या दोन वेगवेगळ्या घटनांमध्ये प्रवाशांची पर्स लांबवून सोन्याचे दागिने रोख रक्कम लांबवल्याप्रकरणी दोन अज्ञातांविरोधात शहर पोलिस ठाण्यात गुन्हा दाखल करण्यात आला आहे.या घटना 4 जुलै आणि 7 जुलै रोजी मत्स्यगंधा ऐक्सप्रेस आणि मँगलोर सीएसएमटी एक्सप्रेसमध्ये घडल्या आहेत.
याप्रकरणी फिर्यादींनी दिलेल्या तक्रारीनुसार,यातील एक फिर्यादीने 4 जुलै रोजी मत्स्यगंधा ऐक्सप्रेसने पनवेल ते कर्नाटक असे प्रवास करताना रात्री 11.30 वा.रेल्वे रत्नागिरी रेल्वेस्टेशन येथे अर्धा तास थांबली असताना अज्ञाताने त्यांच्या डोक्याखालील पर्स घेउन पळ काढला.तर दुसर्‍या फिर्यादीने दिलेल्या तक्रारीनुसार,7 जुलै रोजी ते मँगलोर सीएसएमटी एक्सप्रेसने कणकवलीतून प्रवास करताना रेल्वे रत्नागिरी रेल्वेस्टेशनवर थांबली असताना अज्ञाताने त्यांची पर्स लांबवली.याप्रकरणी शहर पोलिसांनी दोन्ही संशयितांविरोधात भादंवि कायदा कलम 379 अन्वये गुन्हा दाखल केला असून अधिक तपास शहर पोलिस करत आहेत.
