मुंबई: विलेपार्लेचे माजी आमदार आणि डेगवे हितवर्धक संघ मुंबईचे अध्यक्ष, गुरुनाथ देसाई यांच्या पत्नी सौ. दर्शना गुरुनाथ देसाई (वय ६५) यांचे रविवारी रात्री दुःखद निधन झाले. त्यांच्यावर सोमवारी अंत्यसंस्कार करण्यात आले. त्यांच्या पश्चात पती, दोन मुलगे, सुना आणि नातवंडे असा मोठा परिवार आहे.
दर्शना देसाई या डेगवे हितवर्धक संघ मुंबईच्या एक आधारस्तंभ होत्या. संघाच्या प्रत्येक उपक्रमात आणि कार्यक्रमात त्यांचे मोलाचे पाठबळ लाभत असे. संघाच्या सदस्यांना त्यांचे नेहमीच मार्गदर्शन मिळत असे, ज्यामुळे अनेक उपक्रम यशस्वी झाले.
याप्रसंगी, डेगवे हितवर्धक संघाचे सदस्य उल्हास देसाई यांनी श्रद्धांजली अर्पण करताना सांगितले, “दर्शना देसाई यांच्या निधनाने हितवर्धक संघाचे मोठे नुकसान झाले आहे. त्या केवळ एका सदस्या नव्हत्या, तर संघासाठी एक प्रेरणास्थान होत्या. त्यांच्या कार्याची आणि मार्गदर्शनाची उणीव नेहमीच जाणवत राहील.”
त्यांच्या निधनामुळे देसाई कुटुंबीयांवर आणि डेगवे हितवर्धक संघावर शोककळा पसरली आहे. समाजकारणात आणि कौटुंबिक जीवनात त्यांचे योगदान नेहमीच स्मरणात राहील.
