रत्नागिरी: मराठी विज्ञान परिषदेने आयोजित केलेल्या राज्यस्तरीय विज्ञान निबंध स्पर्धेचे निकाल जाहीर झाले आहेत1. या स्पर्धेत विद्यार्थी गटासाठी
“मोबाईलपासून मैदानाकडे” तर खुल्या गटासाठी “देहदान आणि अवयवदान” हे विषय होते2. या स्पर्धेत मुंबई, मुंबई उपनगर, रत्नागिरी, रायगड, सिंधुदुर्ग, पालघर आणि ठाणे येथून एकूण २१२ विद्यार्थी आणि १३२ खुल्या गटातील स्पर्धकांनी सहभाग घेतला3.
विद्यार्थी गटासाठी परीक्षक म्हणून रत्नागिरीच्या जी.जी.पी.एस. विद्यालय येथील श्री. महेश मुळ्ये आणि गोगटे जोगळेकर महाविद्यालयाच्या सौ. मेधा सहस्त्रबुद्धे यांनी काम पाहिले4. खुल्या गटासाठी डॉ. दिनेश माश्रणकर आणि डॉ. विराज चाबके यांनी परीक्षक म्हणून भूमिका बजावली5.
विजेते पुढीलप्रमाणे:
विद्यार्थी गट: प्रथम क्रमांक: सीमा संतोष भुवड (मु. पो. आंबवली, ता. दापोली, जि. रत्नागिरी) द्वितीय क्रमांक: सफा वसीम कालसेकर (मु. पो. पाचल, ता. राजापूर, जि. रत्नागिरी)
खुला गट : प्रथम क्रमांक: प्रगती वैभव भगत (पेण-रायगड); द्वितीय क्रमांक: श्री. स्वप्निल सुधाकर झगडे (खारघर, नवी मुंबई)
विजेत्यांना मराठी विज्ञान परिषद, मुंबई यांच्याकडून प्रमाणपत्र आणि रोख रक्कम देण्यात येणार आहे. या स्पर्धेचे समन्वयक म्हणून डॉ. उमेश संकपाळ यांनी काम पाहिले. सर्व विजेत्यांचे महाविद्यालयाचे प्राचार्य डॉ. मकरंद साखळकर आणि विज्ञान शाखा उपप्राचार्य डॉ. अपर्णा कुलकर्णी यांनी अभिनंदन केले.
