लोकांना विश्वासात घेऊनच प्रारूप आराखडा ठरेल
देवगड : प्रतिनिधी
देवगड जामसंडेमधील सर्व नागरिकांनी एकत्र येवून सुचना व जास्तीत जास्त हरकती द्याव्यात.त्याचा विचार करून त्यानंतर त्याची यादी बनविली जाईल व सर्वांची मते घेवून, सर्वांना विश्वासात घेवून राज्यात देवगड जामसंडे शहर मॉडेल ठरेल असा प्रारूप आराखडा तयार केला जाईल असा विश्वास राज्याचे मत्स्यवसाय मंत्री तथा जिल्ह्याचे पालकमंत्री नितेश राणे यांनी व्यक्त केला.प्रारूप आराखड्याबाबत qचता करू नका, जास्तीत जास्त हरकती नोंदवा, हरकतींसाठी मागणीप्रमाणे मुदतवाढ दिली जाईल अशी ग्वाहीही यावेळी राणे यांनी दिली.
देवगड जामसंडे नगपंचायतीच्या प्रारूप विकास आराखड्याबाबत रविवारी सायंकाळी ना.नितेश राणे यांनी शासकीय विश्रामगृह येथे देवगड जामसंडेमधील नागरिकांशी संवाद साधला व नागरिकांची प्रारूप विकास आराखड्याबाबत असलेल्या समस्या व मते जाणून घेतली.यावेळी माजी आमदार अ‍ॅड.अजित गोगटे, भाजपा जिल्हा सरचिटणीस संदीप साटम, तालुकाध्यक्ष राजा भुजबळ, देवगड शहर विकास ग्रामस्थ मंडळाचे अध्यक्ष निशिकांत साटम, विलास रूमडे, शैलेश महाडिक, जामसंडे व्यापारी संघटेनेचे अध्यक्ष राजेंद्र पाटील, प्रसाद मोंडकर, गिरीश धोपटे, शरद लाड, उपनगराध्यक्षा सौ.मिताली सावंत, माजी नगराध्यक्ष योगेश चांदोस्कर, भाजपा न.पं.गटनेते शरद ठुकरूल, युवा मोर्चाचे शहराध्यक्ष दया पाटील व भाजपा नगरसेवक, पदाधिकारी व ग्रामस्थ उपस्थित होते.
यावेळी विलास रूमडे यांनी आराखड्यामध्ये बèयाच त्रुटी असून मासळी मार्केट शहरापासून लांब आहे याकडे लक्ष वेधले.ना.राणे यांनी देवगड जामसंडेमधील नागरिकांना विचारात घेतल्याशिवाय काहीही करणार नाही.आराखड्याबाबत qचता करू नका.२५ वर्षासाठी आराखडा तयार केला आहे मात्र सर्वांच्या हरकती, सुचना, मते विचारात घेवूनच तसेच देवगड मधील नगरसेवकांनाही विश्वासात घेवून देवगड जामसंडे शहर राज्यात मॉडेल ठरेल असा आराखडा बनविला जाईल.जनतेच्या मताच्या विरोधात कोणीही काहीही करणार नाही असा विश्वास त्यांनी यावेळी दिला.येथिल जनतेच्या आशिर्वादाने आमदार, मंत्री झालो यामुळे जनता हेच केंद्रबिंदू ठेवून त्यांचा मताप्रमाणेच, जनतेला विश्वासात घेवून विकास केला जाईल.सर्वांनी मनात qकतू, परंतू न ठेवता देवगडचा विकासाचे नवे मॉडेल तयार करूया असा विश्वास यावेळी व्यक्त केला.
जामसंडे बाजारपेठेत व्यापारी संकूल व्हावे अशी मागणी जामसंडे व्यापारी संघटनेचे अध्यक्ष राजेंद्र पाटील यांनी केली.यावेळी देवगड शहर विकास ग्रामस्थ मंडळाचे अध्यक्ष निशिकांत साटम, विलास रूमडे, राजेंद्र पाटील, प्रसाद मोंडकर, दत्तात्रय जुवाटकर, संजय बांदेकर, विरेंद्र कार्लेकर यांनी समस्या मांडल्या.
