जन्मठेपेची शिक्षा स्थगित
जामीन आणि अटी
पुणे : २०१४ मध्ये चिंचवड येथील माथाडी कामगार संघटनेचे नेते प्रकाश लक्ष्मण चव्हाण यांच्या हत्येतील दोन दोषींना मुंबई उच्च न्यायालयाने जन्मठेपेची शिक्षा स्थगित करून जामीन मंजूर केली आहे. सत्र न्यायालयाने १६ नोव्हेंबर २०२४ रोजी सहा आरोपींमध्ये अमोल नारायण शिंदे आणि प्रकाशसिंग चंद्रसिंग बैस यांना दोषी ठरवून जन्मठेपेची शिक्षा सुनावली होती.
दोघांनी त्यांच्या वकिलांमार्फत फौजदारी अपील दाखल केली असून, न्यायमूर्ती ए एस गडकरी आणि रणजितसिंह राजा भोसले यांच्या खंडपीठाने ४ डिसेंबर रोजी निरीक्षण केले की शिंदे यांना १० वर्षे, २ महिने आणि ९ दिवस, तर बैस यांना १० वर्षे, ४ महिने आणि १६ दिवस तुरुंगवास भोगावा लागला आहे. न्यायालयाने प्रलंबित अपील लक्षात घेता, अर्जदारांना जामीन देणे योग्य असल्याचे ठरवले.
जामीन मंजूरीसह, प्रत्येक आरोपीस १ किंवा २ स्थानिक जामीनदारांसह प्रत्येकी ५०,०००/- रुपयांच्या पीआर बाँडवर सोडण्यात येईल. अपिलावर निर्णय होईपर्यंत दोघांनी दर महिन्याच्या पहिल्या सोमवारी एक वर्षासाठी आणि नंतर दर तीन महिन्यांच्या पहिल्या सोमवारी निगडी पोलिस ठाण्यात हजर राहणे आवश्यक आहे.
