मुरुडेश्वर–बंगळुरू, कारवार–बंगळुरू आणि हापा–मडगाव एक्स्प्रेसच्या वेळांमध्ये सुधारणा
मुंबई, दि. 22 ऑगस्ट : कोकण रेल्वे मार्गावरील काही महत्त्वाच्या एक्स्प्रेस गाड्यांच्या वेळापत्रकात सुधारणा करण्यात आली असून संबंधित स्थानकांवरील आगमन व प्रस्थान वेळा बदलण्यात आल्या आहेत. प्रवाशांनी सुधारित वेळांची नोंद घ्यावी, असे आवाहन कोकण रेल्वे प्रशासनाने केले आहे.
गाडी क्रमांक 16586 मुरुडेश्वर – सर एम. विश्वेश्वरय्या टर्मिनल, बंगळुरू डेली एक्स्प्रेस 25 ऑगस्ट 2026 रोजी मुरुडेश्वरहून सुटणाऱ्या फेरीपासून नवीन वेळेनुसार धावणार आहे. या गाडीचा बंटवाळ स्थानकावरील आगमन वेळ 7.15 सायंकाळी व प्रस्थान वेळ 7.17 सायंकाळी राहील. कबका पुत्तूर स्थानकावर गाडी 7.43 वाजता पोहोचून 7.45 वाजता सुटेल. तर सुब्रह्मण्य रोड स्थानकावर आगमन वेळ 8.35 वाजता आणि प्रस्थान वेळ 8.40 वाजता निश्चित करण्यात आली आहे.
गाडी क्रमांक 16596 कारवार – केएसआर बंगळुरू पंचगंगा एक्स्प्रेस 25 ऑगस्ट 2026 रोजी कारवारहून सुटणाऱ्या फेरीपासून सुधारित वेळेनुसार धावेल. या गाडीचा सुब्रह्मण्य रोड स्थानकावरील आगमन वेळ रात्री 12.50 वाजता व प्रस्थान वेळ 1.00 वाजता राहील. साकळेशपूर स्थानकावर गाडी पहाटे 3.00 वाजता पोहोचून 3.05 वाजता सुटेल. हसन स्थानकावरील आगमन वेळ 4.05 वाजता तर प्रस्थान वेळ 4.10 वाजता असेल.
गाडी क्रमांक 22908 हापा – मडगाव जंक्शन एक्स्प्रेस 26 ऑगस्ट 2026 रोजी हापाहून सुटणाऱ्या फेरीपासून सुधारित वेळापत्रकानुसार धावणार आहे. या गाडीचा रत्नागिरी स्थानकावरील आगमन वेळ सायंकाळी 4.45 वाजता व प्रस्थान वेळ 4.50 वाजता राहील. कुडाळ स्थानकावर गाडी सायंकाळी 7.38 वाजता पोहोचून 7.40 वाजता पुढे रवाना होईल.
प्रवाशांनी प्रवासापूर्वी संबंधित गाड्यांच्या सुधारित वेळा तपासूनच नियोजन करावे, असे आवाहन कोकण रेल्वेचे मुख्य जनसंपर्क अधिकारी सुनील बी. नारकर यांनी केले आहे.
