लक्ष्मी म्हापसेकर यांचे ९२ व्या वर्षी निधन
सावंतवाडी:
देवगड व कॅसलरॉक येथील नामांकित घराण्यांशी नातेसंबंध असलेल्या आणि वाचन-संगीताची आवड जपणाऱ्या लक्ष्मी झिलू म्हापसेकर यांचे वयाच्या ९२ व्या वर्षी बेळगाव येथे अल्पशा आजाराने निधन झाले. त्यांच्या निधनाने म्हापसेकर कुटुंबावर दुःखाचा डोंगर कोसळला आहे.
कै. लक्ष्मी म्हापसेकर या मूळच्या देवगड येथील पारकर कुटुंबातील होत्या. तत्कालीन काळात त्यांनी ‘एसएससी’ पर्यंतचे शिक्षण पूर्ण केले होते. त्यांना वाचनाची व संगीताची विशेष आवड होती. त्यांचा विवाह कर्नाटकातील कॅसलरॉक येथील रहिवासी असलेले कै. झिलू म्हापसेकर यांच्याशी झाला होता.
त्यांच्या पश्चात रो. दिलीप म्हापसेकर आणि संदीप म्हापसेकर ही दोन मुले, सुना, नातसून, नातवंडे व पतवंडे असा मोठा परिवार आहे. त्यांच्या निधनाबद्दल सावंतवाडी व परिसरातून हळहळ व्यक्त केली जात आहे.
