तहसीलदार अमृता साबळे यांनी केली कानउघाडणी; नायब तहसीलदारांनी मागितली भाजप कार्यकर्त्यांची माफी
देवरूख (प्रतिनिधी):
संगमेश्वर (देवरूख) तहसील कार्यालयातील नायब तहसीलदार गिरी यांनी भाजपचे तालुकाध्यक्ष रुपेश कदम यांच्याशी अत्यंत बेशिस्त व मुजोरपणे वर्तन केल्याचा खळबळजनक प्रकार समोर आला आहे. शासकीय कामासाठी आलेल्या लोकप्रतिनिधींशी अनादरयुक्त वागणूक देणे, कामचुकारपणा करणे आणि कार्यालयात येणाऱ्या गोरगरीब जनतेची पिळवणूक करणे, अशा तक्रारींमुळे संपूर्ण संगमेश्वर तालुका भाजप पदाधिकाऱ्यांमध्ये प्रचंड संतापाची लाट उसळली होती.
सर्वसामान्य जनतेच्या प्रश्नांसाठी आणि त्यांच्या न्यायासाठी नेहमीच तत्पर असणारे भाजप तालुकाध्यक्ष रुपेश कदम यांनी या अन्यायाविरोधात तात्काळ आक्रमक भूमिका घेतली. जनतेची पिळवणूक आणि लोकप्रतिनिधींचा अवमान अजिबात सहन केला जाणार नाही, असा ठाम पवित्रा घेत, अत्यंत धडाडीने व कणखर नेतृत्वाचे दर्शन घडवत रुपेश कदम यांच्या नेतृत्वाखालील शिष्टमंडळाने तत्काळ तहसीलदार अमृता साबळे यांची भेट घेतली.या प्रसंगी जिल्हा नियोजन समिती सदस्य अमित केतकर, भाजप तालुका उपाध्यक्ष वैभव बने, अभि सप्रे, सरचिटणीस सचिन बांडागळे, भाजप ज्येष्ठ नेते मुकुंद जोशी, सदानंद राजवाडे, युवा मोर्चा अध्यक्ष स्वप्निल सुर्वे, समीर चाळके, दत्ता नार्वेकर, देवरुख शहराध्यक्ष सुशांत मुळे, पितम बांडागळे, धोंडू करंबेळे, नंदू कदम, अविनाश गुरव, पंढरीनाथ मोहिरे, संतोष सुर्वे, अक्षय शिंदे, अमित रेवाळे, वैभव कदम, आदित्य गुरव यांच्यासह पक्षाचे सर्व प्रमुख पदाधिकारी व कार्यकर्ते मोठ्या संख्येने उपस्थित होते.
तहसीलदार अमृता साबळे यांनी अत्यंत तत्परता, संवेदनशीलता आणि कौशल्याने परिस्थिती हाताळत भाजप पदाधिकाऱ्यांचे म्हणणे ऐकून घेतले. आपल्या प्रशासकीय कामकाजातील तत्परतेसाठी आणि जनतेच्या प्रश्नांप्रती असलेल्या आस्थेसाठी ओळखल्या जाणाऱ्या तहसीलदार अमृता साबळे यांनी प्रकरणाचे गांभीर्य लक्षात घेऊन तत्काळ नायब तहसीलदार गिरी यांना दालनात बोलावून घेतले. तहसीलदार अमृता साबळे यांनी नायब तहसीलदार गिरी यांची चांगलीच कानउघाडणी केली आणि शासकीय अधिकाऱ्याने लोकप्रतिनिधी व सामान्य जनतेशी कसे सौजन्याने वागले पाहिजे, याचे कडक खडे बोल सुनावले. यासोबतच, उपस्थित सर्व भाजप पदाधिकाऱ्यांची व कार्यकर्त्यांची जाहीर माफी मागण्याचे कडक निर्देश त्यांनी नायब तहसीलदार गिरी यांना दिले.
तालुकाध्यक्ष रुपेश कदम यांच्या नेतृत्वाखालील भाजपच्या या आक्रमक भूमिकेमुळे आणि तहसीलदार साबळे यांच्या न्यायप्रिय निर्णयामुळे नायब तहसीलदार गिरी यांना नमते घ्यावे लागले. वरिष्ठ अधिकाऱ्यांचा धाक आणि कडक सूचनांनंतर नायब तहसीलदार गिरी यांनी आपल्या गैरवर्तणुकीबद्दल भाजप तालुकाध्यक्ष रुपेश कदम व उपस्थित सर्व कार्यकर्त्यांची माफी मागून दिलगिरी व्यक्त केली. जनतेच्या हक्कासाठी खंबीरपणे पाठीशी उभे राहणारे भाजप तालुकाध्यक्ष रुपेश कदम यांच्या धडाडीच्या नेतृत्वाचे, उपस्थित प्रमुख पदाधिकाऱ्यांच्या एकजुटीचे आणि तालुक्यात प्रशासनाचा धाक व शिस्त अबाधित ठेवणाऱ्या तहसीलदार अमृता साबळे यांच्या तत्पर व न्यायप्रिय भूमिकेचे संपूर्ण संगमेश्वर तालुक्यातून जोरदार कौतुक होत आहे
