मंडणगड प्रतिनिधी : जिजाऊ शैक्षणिक व सामाजिक संस्था, महाराष्ट्र, विभाग रत्नागिरी (केंद्र : मंडणगड) यांच्या वतीने पालघरवाडी येथील सार्वजनिक गणेशोत्सव मंडळाच्या कार्यक्रमास प्रमुख पाहुणे म्हणून श्री. निलेश सांबरे उपस्थित राहणार आहेत. बुधवार, २३ सप्टेंबर २०२६ रोजी सायंकाळी पालघरवाडी सार्वजनिक गणेशोत्सव मंडळाच्या वतीने श्री गणरायाच्या दर्शनासाठी निलेशजी सांबरे यांची उपस्थिती राहणार आहे. यावेळी परिसरातील ग्रामस्थांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजकांकडून करण्यात आले आहे.
जिजाऊ शैक्षणिक व सामाजिक संस्था, महाराष्ट्र ही सामाजिक व शैक्षणिक क्षेत्रात कार्यरत असून, रत्नागिरी विभागाच्या वतीने विविध उपक्रम राबविले जात आहेत. गणेशोत्सवाच्या निमित्ताने आयोजित या कार्यक्रमामुळे ग्रामस्थांना निलेश सांबरे यांची भेट घेण्याची संधी उपलब्ध होणार आहे. कार्यक्रमाबाबत अधिक माहितीसाठी श्री. निलेश रक्ते यांच्याशी संपर्क साधावा, असे आयोजकांनी कळविले आहे. कार्यक्रमाच्या यशस्वी आयोजनासाठी जिजाऊ संस्थेचे पदाधिकारी, कार्यकर्ते व पालघरवाडी सार्वजनिक गणेशोत्सव मंडळ प्रयत्नशील आहेत.
