मालवण | प्रतिनिधी : तारकर्ली येथे माघी गणेशोत्सव निमित्त श्री महापुरुष कला, क्रीडा प्रतिष्ठान यांच्यामार्फत आयोजित करण्यात आलेल्या तारकर्ली हॉलिबॉल प्रीमियर लीगचे उदघाट्न भाजप युवा मोर्चा जिल्हा सरचिटणीस ताम्हणकर यांच्या हस्ते करण्यात आले. हि स्पर्धा तीन दिवस प्रकाशझोतात खेळवली जाणार आहे तर या स्पर्धेत तरुणांसोबत वयस्कर व्यक्तींचा देखील लक्षणीय सहभाग असतो.
श्री महापुरुष कला, क्रीडा प्रतिष्ठान आणि स्वामी बॉईज यांचे कौतुक करावे तेवढे थोडेच आहे. युवा पिढीने असेच एकत्रित राहून आपल्या गावाचा व आपल्या समाजाचा विकास साधावा असे प्रतिपादन सौरभ ताम्हणकर यांनी केले.
यावेळी विनायक परुळेकर, घनश्याम कुबल, आशुतोष तुळसकर, चंद्रशेखर केळुसकर, प्रतीक कुबल गोरक्ष पराडकर, अनिल टिकम, कुणाल बापर्डेकर, गणपत मोंडकर, दिलेश कोळंबकर, सर्वेश कुबल आदि ग्रामस्थ उपस्थित होते.
