कणकवली : शहरातील रहिवासी व भूमी अभिलेख विभागातून सेवानिवृत्त झालेले विजय काशिराम चव्हाण (वय ७०) यांचे अल्पशा आजाराने निधन झाले. मुंबई येथे उपचार सुरू असताना त्यांची प्राणज्योत मालावली. त्यांच्या निधनाने कणकवली शहरात हळहळ व्यक्त केली जात आहे.
विजय चव्हाण हे सामाजिक, धार्मिक तसेच सांस्कृतिक कार्यक्रमांमध्ये नेहमी उत्साहाने सहभागी होत असत. त्यांच्या मनमिळावू स्वभावामुळे त्यांची परिसरात विशेष ओळख निर्माण झाली होती. त्यांच्या पश्चात पत्नी, दोन मुले, दोन मुली, जावई, सुना तसेच नातवंडे असा मोठा परिवार आहे. अत्यंत शोकाकुल वातावरणात त्यांच्या मूळ गावी कळसुली येथील स्मशानभूमीत त्यांच्यावर अंत्यसंस्कार करण्यात आले.
