भाजप आम. निरंजन डावखरे यांच्या स्थानिक विकास निधीतून जिल्ह्यातील ३५शाळांना संगणक वाटप…
वेंगुर्ले : प्रतिनिधी :संपूर्ण कोकणातील शाळा डिजिटल करण्याची महत्त्वाकांक्षी संकल्पना मनाशी बाळगून शैक्षणिक प्रगती होण्याच्या दृष्टीने विशेष प्रयत्न करणाऱ्या मा.खासदार श्री.नारायण राणे आणि ना.रविंद्र चव्हाण यांच्या सुचनेनुसार भाजप आमदार श्री निरंजन डावखरे यांच्या स्थानिक विकास निधीतून जिल्ह्यातील ३५ शाळांना पालकमंत्री श्री.नितेश राणे यांच्या हस्ते संगणक व प्रोजेक्टर वाटप करण्यात आले. यावेळी आपले मनोगत व्यक्त करताना खास. श्री.नारारण राणे यांच्या संकल्पनेतून सिंधुदुर्ग जिल्हा प्रगतीकडे वाटचाल करत असताना शैक्षणिक विकास होणे आवश्यक आहे आणि यासाठी आम्ही सर्वजण भाजपच्या माध्यमिक प्रयत्नशील राहू असे प्रतिपादन करुन सिंधुदुर्ग जिल्ह्यातील सर्व शाळा डिजिटल करण्याची जबाबदारी आमची राहिल असे शाश्वत आश्वासन पालकमंत्री तथा मत्स्योद्योग आणि बंदरे विकास मंत्री नितेश राणे यांनी दिले.
यावेळी भाजपचा अध्यक्ष श्री.प्रभाकर सावंत यांनी आमदार श्री निरंजन डावखरे आणि आमदार श्री.ज्ञानेश्वर म्हात्रे यांचा संपूर्ण निधी शाळांच्या विकासासाठी वापरला जाईल असे सांगितले.यापुर्वी आमदार श्री निरंजन डावखरे यांच्या आमदार निधीतून १३८ शाळांना डिजिटल साहित्य देण्यात आले तसेच आता ३५ शाळांना डिजिटल साहित्य दिले तर आमदार श्री.ज्ञानेश्वर म्हात्रे सर यांच्या आमदार निधीतून १९० शाळांना इ लर्निग साहित्य आणि १६० शाळांना सोलर पॅनल देण्यात आल्याचे श्री.प्रभाकर सावंत यांनी सांगितले आणि मा.आ.श्री निरंजन डावखरे यांचे विशेष आभार मानले. या वेळी गेल्या दोन वर्षांत शाळांना मोठ्या प्रमाणात ई लर्निग साहित्य आणि सोलर पॅनल उपलब्ध करून दिल्याबद्दल सिंधुदुर्ग जिल्हा मुख्याध्यापक संघाचे अध्यक्ष श्री वामन तर्फे यांनी सर्वांचे विशेष आभार मानले. यावेळी व्यासपीठावर पालकमंत्री नितेश राणे, भाजप सिंधुदुर्ग अध्यक्ष श्री.प्रभाकर सावंत, जिल्हा बॅंक अध्यक्ष श्री.मनीष दळवी, उपाध्यक्ष श्री.प्रसन्ना देसाई, सरचिटणीस श्री.संदिप साटम, सरचिटणीस श्री.महेश सारंग, कणकवली देवगड विधानसभा मतदारसंघ अध्यक्ष श्री.मनोज रावराणे, श्री.संतोष कानडे, भाजप पदाधिकारी उपस्थित होते तर कार्यक्रमास संस्था चालक, मुख्याध्यापक व शिक्षक मोठ्या संख्येने उपस्थित होते. सुत्रसंचलन जिल्हा मुख्याध्यापक संघाचे अध्यक्ष श्री वामन तर्फे यांनी केले तर आभार श्री.कर्पे सर यांनी मानले.
