एस एस पी एम कॉलेज ऑफ इंजिनिअरिंग कणकवली या महाविद्यालयात अंतिम वर्षात शिकत असलेल्या विनय कदम, अविष्कार कांबळे, वैष्णव कुबडे व प्रथमेश नार्वेकर या विद्यार्थ्यांची पीएचएन टेक्नॉलॉजी प्रायव्हेट लिमिटेड या कंपनीमध्ये नोकरीसाठी निवड झालेली आहे. टेक्निकल एज्युकेटर व व ऑपरेशनल एक्झिक्यूटिव्ह या पदावर काम करण्याची संधी व वार्षिक 5.6 लाख पगाराची ऑफर कंपनी मार्फत विद्यार्थ्यांना देण्यात आलेली आहे. एस एस पी एम कॉलेज ऑफ इंजिनिअरिंग कणकवली व पीएचएन टेक्नॉलॉजी पी प्रायव्हेट लिमिटेड यांच्या संयुक्त विद्यमाने हा प्लेसमेंट ड्राईव्ह आयोजित करण्यात आला होता .
सदरच्या निवड प्रक्रियेत यश संपादन केलेल्या विद्यार्थ्याचे संस्थेचे संस्थापक खासदार माननीय श्री नारायणराव राणे , अध्यक्षा सौ. निलमताई राणे, उपाध्यक्ष निलेश राणे, सचिव नितेश राणे, प्राचार्य डॉ. डी. एस. बाडकर व सर्व विभाग प्रमुख, शिक्षक व शिक्षकेतर कर्मचारी यांनी अभिनंदन केले आहे. भविष्यातही एस एस पी एम कॉलेज ऑफ इंजीनियरिंग कणकवलीच्या विद्यार्थ्यांना अशा संधी उपलब्ध करून देण्याची ग्वाही कंपनीच्या वतीने देण्यात आली आहे.
