सावंतवाडी । प्रतिनिधी : मूळच्या भिलवडीच्या आणि सध्या सिंधुदुर्ग जिल्ह्यातील वेंगुर्ला येथे वास्तव्यास असलेल्या सौ. रूपाली मोकाशी पाटील यांचा नुकताच महाराष्ट्र शासनाचा ‘आधुनिक सावित्रीबाई फुले पुरस्कार’ मिळाल्याबद्दल सार्वजनिक वाचनालय, भिलवडीच्या वतीने सत्कार करण्यात आला. रविवार, २८ जून रोजी सौ. रूपाली पाटील यांनी वाचनालयास सदिच्छा भेट दिली.
यावेळी वाचनालयाच्या वतीने सौ. पाटील यांचा शाल आणि ग्रंथ भेट देऊन गौरव करण्यात आला. या प्रसंगी बोलताना, सौ. रूपाली पाटील यांनी आपल्या सामाजिक कार्याची सविस्तर माहिती उपस्थितांना दिली. त्यांच्या कार्याची माहिती ऐकून उपस्थितांनी कौतुक केले.
या सत्कार सोहळ्याला सार्वजनिक वाचनालयाचे उपाध्यक्ष डी. आर. कदम, कार्यवाहक सुभाष कवडे, संचालक जयंत केळकर, प्रमुख लेखिका सौ. विद्या निकम, गजानन माने, पत्रकार घनश्याम मोरे, श्रीमती सुनंदा मोकाशी आणि वाचक टकले गुरुजी आदी मान्यवर उपस्थित होते.
सौ. रूपाली मोकाशी पाटील यांना मिळालेल्या या प्रतिष्ठेच्या पुरस्काराने भिलवडी गावाचे नाव उंचावले असून, त्यांच्या पुढील सामाजिक कार्यासाठी अनेकांनी शुभेच्छा दिल्या.
