रत्नागिरी : रत्नागिरी जिल्ह्यात आज, ५ जुलै २०२५ रोजी पावसाने दमदार हजेरी लावली आहे. संपूर्ण जिल्ह्यात एकूण ४८२.१६ मिमी पावसाची नोंद झाली असून, जिल्ह्याची सरासरी ५३.५७ मिमी इतकी राहिली आहे.
आज सकाळी मिळालेल्या आकडेवारीनुसार, लांजा तालुक्यात सर्वाधिक ८७.४० मिमी पावसाची नोंद झाली आहे. त्याखालोखाल राजापूरमध्ये ७०.७५ मिमी आणि चिपळूणमध्ये ६१.२२ मिमी पाऊस झाला आहे.
इतर तालुक्यांमध्ये झालेला पाऊस (मिमीमध्ये) असा:
* मंडणगड – ३२.७५
* खेड – ५४.१४
* दापोली – २८.००
* गुहागर – ४५.६०
* संगमेश्वर – ५९.७५
* रत्नागिरी – ४२.५५
या पावसामुळे शेतकऱ्यांमध्ये समाधानाचे वातावरण असून, पेरणीपूर्व कामांना वेग येणार आहे.
