जगबुडी आणि कोदवली नद्या इशारा पातळीवर!
रत्नागिरी : रत्नागिरी जिल्ह्यात सुरू असलेल्या पावसामुळे नद्यांच्या पाणी पातळीत वाढ झाली असून, जगबुडी आणि कोदवली या दोन नद्यांनी इशारा पातळी ओलांडली आहे. रत्नागिरी पाटबंधारे मंडळ – पूरनियंत्रण कक्ष, रत्नागिरीने दिलेल्या माहितीनुसार, आज सकाळी ८ वाजेपर्यंतची जिल्ह्यातील नद्यांची स्थिती खालीलप्रमाणे आहे.
इशारा पातळीवर असलेल्या नद्या:
* जगबुडी नदी (खेड-भरणी पूल): या नदीची सध्याची पातळी ५.१० मीटर असून, ती ४.०० मीटरच्या इशारा पातळीवर पोहोचली आहे. धोक्याची पातळी ७.०० मीटर आहे.
* कोदवली नदी (राजापूर-राजापूर पूल): कोडवली नदीची सध्याची पातळी ५.१० मीटर असून, ती ४.१० मीटरच्या इशारा पातळीवर आहे. धोक्याची पातळी ८.१३ मीटर आहे.
इतर नद्यांची सद्यस्थिती:
* वाशिष्टी नदी (चिपळूण-बाजार पूल): सध्याची पातळी २.६४ मीटर असून, इशारा पातळी ४.०० मीटर आहे.
* शास्त्री नदी (संगमेश्वर-शास्त्री पुलाजवळ): सध्याची पातळी ४.०० मीटर असून, इशारा पातळी ६.२० मीटर आहे.
* सोनवी नदी (संगमेश्वर-संगमेश्वर बस थांबा शेजारी सोनवी पूल): सध्याची पातळी ३.४० मीटर असून, इशारा पातळी ७.२० मीटर आहे.
* काजळी नदी (लांजा-अंजणारी पूल): सध्याची पातळी १४.६६ मीटर असून, इशारा पातळी १६.५० मीटर आहे.
* मुचकुंदी नदी (लांजा-भावेड पूल): सध्याची पातळी १.८० मीटर असून, इशारा पातळी ३.५० मीटर आहे.
* बावनदी (संगमेश्वर-तळेकांटे बस थांबा): सध्याची पातळी ६.८२ मीटर असून, इशारा पातळी ९.४० मीटर आहे.
जिल्हा प्रशासनाने नागरिकांना सतर्क राहण्याचे आवाहन केले आहे. नदीकाठच्या रहिवाशांनी विशेष काळजी घ्यावी आणि प्रशासनाने दिलेल्या सूचनांचे पालन करावे असे आवाहन करण्यात आले आहे.
