दापोली प्रतिनिधी:
समाजातील सत्य, संवेदनशीलता व लोकशाहीच्या चौथ्या स्तंभाचे भान जपत निष्पक्ष व निर्भीड पत्रकारितेच्या माध्यमातून समाजजागृती करणाऱ्या पत्रकार बांधवांचा सन्मान करण्यासाठी दशानेमा गुजर युवक संघटना, दापोली व जे.सी.आय. दापोली यांच्या संयुक्त विद्यमाने “शब्दशिल्पकारांचा सन्मान – पत्रकार गौरव सोहळा” आयोजित करण्यात आला आहे.
हा गौरव सोहळा बुधवार, ७ जानेवारी २०२६ रोजी सायंकाळी ५ वाजता दापोली येथील पितांबरी रिसॉर्ट येथे संपन्न होणार आहे. समाजोपयोगी, निर्भीड व जबाबदार पत्रकारितेच्या माध्यमातून जनतेचा आवाज बुलंद करणाऱ्या पत्रकार बांधवांचा यावेळी कृतज्ञतापूर्वक सन्मान करण्यात येणार आहे.
