राजापूर (वार्ताहर): नगर वाचनालय, राजापूर या संस्थेच्या शतकोत्तर हीरक महोत्सवी वर्षानिमित्त एका विशेष व्याख्यानाचे आयोजन करण्यात आले आहे. हे व्याख्यान शनिवार, दिनांक ८ ऑगस्ट २०२६ रोजी सायंकाळी ठीक ४:०० वाजता नगर वाचनालयाच्या सभागृहात पार पडणार आहे.
या कार्यक्रमात ‘मी कोकणचो डॉक्टर’ या प्रसिद्ध पुस्तकाचे लेखक आणि ‘लोकमत उत्कृष्ट साहित्य लेखन ललित विभाग पुरस्कार’ प्राप्त नामांकित लेखक श्री. डॉ. मिलिंद उल्हास कुलकर्णी हे प्रमुख वक्ते म्हणून उपस्थित राहणार आहेत. ते ‘भारतीय संस्कृती आणि आपण’ या महत्त्वपूर्ण विषयावर उपस्थितांना मार्गदर्शन करतील.
नगर वाचनालयातर्फे या कार्यक्रमाची जय्यत तयारी सुरू असून, राजापूरमधील सर्व रसिक, वाचक आणि नागरिकांनी या बौद्धिक मेळाव्याला मोठ्या संख्येने उपस्थित राहावे, असे आवाहन वाचनालय प्रशासनातर्फे करण्यात आले आहे.
