बाळकृष्ण नॅचरल आईस्क्रीम पार्लरचा शुभारंभ

सावंतवाडी । प्रतिनिधी : सावंतवाडीतील सुप्रसिद्ध उद्योजक चेतन नेवगी यांनी ‘बाळकृष्ण नॅचरल आईस्क्रीम पार्लर’ नावे चिटणीस नाका येथे नवे दालन सुरू केले असून आज गणेश जयंतीच्या शुभमुहूर्तावर या नव्या दालनाचा शुभारंभ करण्यात आला. यावेळी चेतन नेवगी, सौ. माया नेवगी, नेहल नेवगी, शुबन नेवगी, सुप्रिया नेवगी, प्रसाद पावसकर, रमेश भिसे, संध्या भिंगार्डे, श्रृती भिंगार्डे, बाळू कशाळीकर आदी उपस्थित होते.आईस्क्रीम म्हणजे बाळकृष्ण कोल्ड्रिंक आणि बाळकृष्ण कोल्ड्रिंक म्हणजे आईस्क्रीम. सावंतवाडी शहरात येणाऱ्या पर्यटकांसह शहरातील नागरिकांसाठी हे ठरलेल समीकरण. उन, वारा, पाऊस काहीही असलं तरी बाळकृष्ण कोल्ड्रिंकमधील कॉकटेल, आईस्क्रीम, मिल्कशेकसह अन्य पदार्थांची चव चाखल्याशिवाय सावंतवाडीच्या तळ्याकाठी येणारे पर्यटक व सावंतवाडीकर सहसा जात नाही. बाळकृष्णच्या मॅंगो, व्हेनिला, पिस्ता व चॉकलेटसह अन्य फ्लेवरला तर तोडच नाही.

विशेष म्हणजे हे आईस्क्रीम बाळकृष्ण कोल्ड्रिंकच्या माजगाव येथील आईस्क्रीम फॅक्टरीत बनवलं जातं. सुसज्ज असा कोल्डरूम, मशीनरी, फॅक्टरी असणाऱ्या बाळकृष्ण कोल्ड्रिंकनं आईस्क्रीम जगतात जिल्ह्यात आपला ब्रँड तयार केलाय.१९६५ सालापासून सिंधुदुर्ग जिल्ह्यातील पहिलं कोल्ड्रिंक हाऊस सावंतवाडीत बाळकृष्णच्या माध्यमातून कार्यरत आहेत.आईस्क्रीम लव्हर्संना विविध फ्लेवर्स मधलं मनपसंत व चविष्ट आईस्क्रीम खाऊ घालत आहे. याच सोबत आता बाळकृष्ण कोल्ड्रीक्सच्या माध्यमातून ‘बाळकृष्ण नॅचरल आईस्क्रीम पार्लर’ आईस्क्रीम लव्हर्ससाठी घेऊन आले आहेत. श्री. चेतन नेवगी व सौ. माया नेवगी यांच्या माध्यमातून चिटणीस नाका येथे हे पार्लर सुरू करण्यात आले आहे.आज २५ जानेवारी रोजी गणेश जयंतीच्या शुभमुहूर्तावर या नव्या दालनाच उद्घाटन करण्यात आले.या नव्या पार्लरमध्ये चिकू, गुलकंद, रोस्टेड आलमंड, सिताफळ, ऑरीओ आदी फ्लेवरच्या आईस्क्रिमची चव चाखता येणार आहे. कोणत्याही प्रकारची इसेन्स न वापरता साखर, दुध व फळांच्या माध्यमातून हे फ्लेवर तयार केले जाणार आहेत.बाळकृष्ण कोल्ड्रींक्सच्या माजगाव येथिल फॅक्टरीत हे आईस्क्रिम तयार केले जाणार असून आईस्क्रीमचा ब्रँड बाळकृष्णच हे नॅचरल आईस्किम आईस्क्रीम लव्हर्सच्या पसंतीस उतरणार यात शंका नाही.
आज या पार्लरचा शुभारंभ झाला असून यावेळी उपस्थित राहून नॅचरल आईस्क्रीम पार्लरमधील आईस्क्रीमच्या नवनवीन व्हरायटीची चव चाखावी, असं आवाहन चेतन नेवगी व समस्त नेवगी कुंटुबियांच्यावतीनं करण्यात आले आहे.