खेड (प्रतिनिधी) कोकण रेल्वे मार्गावर गणपती स्पेशल गाड्यांची संख्या वाढल्याने गेल्या आठवडाभरापासून बिघडलेले वेळापत्रक बुधवारी काही अंशी पूर्वपदावर आले. गणपती स्पेशल गाड्या निर्धारित वेळेत मार्गस्थ झाल्याने चाकरमान्यांना दिलासा मिळाला.
६ नियमित गाड्यांचा अपवाद वगळता सर्वच रेल्वेगाड्या निर्धारित वेळेत रवाना झाल्याने प्रवाशांनी सुटकेचा निःश्वास टाकला. गणेशोत्सवास प्रारंभ झाल्यापासून कोकण मार्गावरून धावणाऱ्या गणपती स्पेशल गाड्यांसह नियमित गाड्या लेट धावत होत्या ‘
बुधवारी गणपती स्पेशल गाड्या नियोजित वेळेत धावल्याने प्रवाशांना हायसे वाटले. ६ नियमित गाड्यांच्या वेळापत्रकावर परिणाम झाला. सीएसएमटी-मंगळूर एक्स्प्रेसह निजामुद्दीन-एर्नाकुलम मंगला एक्स्प्रेस ३ तास विलंबाने धावल्या. सीएसएमटी-मडगाव कोकणकन्या एक्स्प्रेस ३ तास, तर तिरुवअनंतपूरम- निजामुद्दीन राजधानी एक्स्प्रेस २ तास उशिराने रवाना झाल्या. अन्य ३ गाड्यांचा अपवाद वगळता उर्वरित रेल्वेगाड्या निर्धारित वेळेत रवाना झाल्याने चाकरमान्यांनी सुटकेचा निःश्वास टाकला.
