देवगड तालुक्यात पंचायत समिती निवडणुकीसाठी उमेदवारी अर्ज भरण्याची प्रक्रिया सुरू असून आज शुक्रवार 17 जानेवारी 2026 रोजी अर्ज वितरणाची माहिती जाहीर करण्यात आली आहे.
जिल्हा परिषद व पंचायत समिती सार्वत्रिक निवडणूक 2026 अंतर्गत देवगड तालुक्यात इच्छुक उमेदवारांना नामनिर्देशन अर्ज वितरित करण्यात आले. प्राप्त माहितीनुसार गटासाठी एकूण तीन अर्ज वितरित झाले आहेत. यामध्ये भारतीय जनता पक्षाकडून दोन तर अपक्षांकडून एक अर्ज देण्यात आला आहे.
गणांसाठी अर्ज वितरणाचा विचार करता एकूण चार अर्ज वितरित झाले असून त्यात भाजपचे दोन तर अपक्षांचे दोन अर्ज आहेत. त्यामुळे देवगड तालुक्यात एकूण सात उमेदवारी अर्ज वितरित झाल्याचे स्पष्ट झाले आहे.
निवडणूक प्रक्रियेला गती येत असून पुढील काही दिवसांत अधिक अर्ज दाखल होण्याची शक्यता व्यक्त केली जात आहे. तालुक्यातील राजकीय वातावरण हळूहळू तापू लागले असून निवडणुकीकडे सर्वांचे लक्ष लागले आहे.
