मुंबई :
प्रादेशिक हवामान शास्त्र केंद्र, मुंबई यांनी प्रसिद्ध केलेल्या ताज्या अंदाजानुसार, कोकण किनारपट्टीवरील रत्नागिरी आणि सिंधुदुर्ग जिल्ह्यांसाठी पुढील पाच दिवसांचा हवामान अहवाल जाहीर करण्यात आला आहे.
या अहवालानुसार दोन्ही जिल्ह्यांत पुढील काही दिवस हवामानाचे विविध टप्पे पाहायला मिळतील
पुढील दोन दिवस म्हणजेच १५ आणि १६ एप्रिल रोजी रत्नागिरी आणि सिंधुदुर्ग या दोन्ही जिल्ह्यांत काही भागांमध्ये ‘उष्ण आणि दमट’ (Hot and Humid) हवामान राहण्याची शक्यता आहे. या काळात वातावरणातील आर्द्रता वाढल्याने नागरिकांना घामाचा आणि उकाड्याचा त्रास अधिक जाणवू शकतो. हवामान खात्याने याबाबत ‘वेरी लायक्ली’ (दाट शक्यता) वर्तवली आहे.
मध्यंतरी १७ एप्रिल रोजी हवामान कोरडे राहिल्यानंतर, १८ एप्रिल (शनिवार) रोजी सिंधुदुर्ग जिल्ह्यात हवामानात बदल होण्याची शक्यता आहे. या दिवशी जिल्ह्याच्या काही भागात विजांच्या कडकडाटासह हलका पाऊस (Light Rain/Thundershowers)पडण्याचा अंदाज आहे.
रत्नागिरी जिल्ह्यात पावसाचे आगमन सिंधुदुर्गच्या एक दिवस नंतर म्हणजेच १९ एप्रिल (रविवार) रोजी अपेक्षित आहे. या दिवशी रत्नागिरीमध्ये विजांच्या कडकडाटासह हलक्या पावसाच्या सरी कोसळू शकतात. विशेष म्हणजे याच दिवशी धुळे आणि नंदुरबार जिल्ह्यांतही पावसाचा अंदाज वर्तवण्यात आला आहे.
नागरिकांसाठी महत्त्वाच्या सूचना:
उन्हापासून बचाव: १५ आणि १६ एप्रिल दरम्यान उन्हाचा चटका अधिक असल्याने दुपारच्या वेळी बाहेर पडताना काळजी घ्यावी आणि जास्तीत जास्त पाणी प्यावे.
शेतकरी वर्गासाठी: १८ आणि १९ एप्रिल रोजी पावसाची शक्यता असल्याने, कापणीला आलेली पिके किंवा सुरक्षित ठिकाणी ठेवलेला माल झाकून ठेवावा.
विजांपासून सावधान: पावसाच्या वेळी विजांचा कडकडाट होण्याची शक्यता असल्याने झाडाखाली किंवा उघड्यावर आश्रय घेणे टाळावे.
