सिंधुदुर्ग जिल्ह्यातील आत्मा अंतर्गत शेतकऱ्याचा सहभाग
बेंगळुरू (प्रतिनिधी):शासकीय योजना, शाश्वत कृषी पद्धती आणि नैसर्गिक संसाधनांच्या प्रभावी व्यवस्थापनाबद्दल शेतकऱ्यांमध्ये व्यापक जागरूकता निर्माण करण्याच्या उद्देशाने आयसीएआर-भारतीय बागायती संशोधन संस्था (ICAR-IIHR), हेसरघट्टा, बेंगळुरू येथे ‘पीएम-किसान उत्सव दिवस’ आणि ‘शेत वाचवा अभियान’ (खेत बचाओ अभियान) उत्साहात पार पडले.
केंद्रीय राज्यमंत्री श्रीमती शोभा करंदलाजे यांची प्रमुख उपस्थिती
या कार्यक्रमाला भारत सरकारच्या श्रम व रोजगार तसेच सूक्ष्म, लघु आणि मध्यम उद्योग राज्यमंत्री श्रीमती शोभा करंदलाजे मुख्य अतिथी म्हणून उपस्थित होत्या. कार्यक्रमाची सुरुवात ‘वंदे मातरम्’ने झाली. त्यानंतर ICAR-IIHR चे संचालक प्रा. टी. के. बेहेरा यांनी स्वागतपर भाषण केले. कार्यक्रमादरम्यान माननीय केंद्रीय मंत्र्यांच्या हस्ते संस्थेच्या नर्सरीमध्ये वृक्षारोपण करण्यात आले.
जमिनीचे आरोग्य टिकवणे व सेंद्रिय शेतीचे आवाहन
शेतकऱ्यांना संबोधित करताना श्रीमती शोभा करंदलाजे यांनी शेतीचा सुज्ञपणाने वापर करून आणि सेंद्रिय व जैविक पद्धतींचा अवलंब करून जमिनीचे आरोग्य आणि उत्पादकता टिकवून ठेवण्याचे आवाहन केले. त्या म्हणाल्या, “गुजरातच्या बनासकांठा येथून माननीय पंतप्रधानांनी एका क्लिकद्वारे देशभरातील ९.३४ कोटींपेक्षा जास्त शेतकऱ्यांच्या बँक खात्यांमध्ये १८,६९० कोटी रुपयांपेक्षा जास्त रक्कम थेट (DBT) हस्तांतरित केली आहे.”
तसेच, शेतकरी कल्याणासाठी १,५०० हून अधिक पिकांच्या जाती विकसित केल्याबद्दल त्यांनी वैज्ञानिक समुदायाचे कौतुक केले. उत्पादन व नफा वाढवण्यासाठी शेतकऱ्यांनी वैज्ञानिकांच्या शिफारसींनुसार शास्त्रीय शेती पद्धतींचा अवलंब करावा, असा सल्लाही त्यांनी दिला.
पीएम-किसान सन्मान निधीचा २४ वा हप्ता याबाबत मार्गदर्शन करण्यात आले या कार्यक्रमात ‘पीएम-किसान सन्मान उत्सव दिवसा’चे थेट प्रक्षेपण दाखवण्यात आले, ज्याद्वारे योजनेचा २४ वा हप्ता जारी करण्यात आला.
साहित्य वाटप बेगलोर परिसरातील प्रगतीशील शेतकऱ्यांना शेतीसाठी लागणाऱ्या विविध आवश्यक साहित्याचे वाटप करण्यात आले.
शेतकरी-शास्त्रज्ञ संवाद: ‘शेत वाचवा अभियाना’अंतर्गत शेतकरी आणि संस्थात्मक शास्त्रज्ञ यांच्यात थेट संवाद बैठक पार पडली, ज्यात शेतकऱ्यांच्या तांत्रिक समस्यांचे निरसन करण्यात आले. या कार्यक्रमात सिंधुदुर्ग जिल्ह्यातील शेतकरी सहभागी झाले होते
शास्त्रज्ञांची तांत्रिक व्याख्याने या
कार्यक्रमात ICAR-IIHR च्या तज्ज्ञ शास्त्रज्ञांनि महत्त्वपूर्ण विषयांवर तांत्रिक मार्गदर्शन केले:
माती चाचणी व पोषक तत्व व्यवस्थापन याबाबत डॉ. रूपा टी.आर. (नैसर्गिक संसाधन व्यवस्थापन विभाग)
कीटकनाशकांचा संतुलित वापर व IPM: डॉ. कीर्ती एम.सी. (पीक संरक्षण विभाग)
हवामान-अनुकूल शेती व पीक विविधता: डॉ. मंजुनाथ बी.एल. (फळ पीक विभाग)
जल संवर्धन व सिंचन व्यवस्थापन: डॉ. शंकर एस. हेब्bar आणि डॉ. अनिल कुमार नायर
ICAR-IIHR ही संस्था शाश्वत आणि हवामान-अनुकूल बागायती शेतीला प्रोत्साहन देण्यासाठी शेतकरी-केंद्री संशोधन आणि तंत्रज्ञान प्रसारासाठी निरंतर कटिबद्ध आहे, असा पुनरुच्चार या प्रसंगी करण्यात आला.
बॉक्स
केंद्रीय कृषी राज्यमंत्र्यांकडून सिंधुदुर्गातील ‘आत्मा’च्या शेतकऱ्यांचे कौतुक; ज्येष्ठ शेतकरी परब व सुहास देसाई यांच्या हस्ते दीपप्रज्वलन
‘आत्मा’ (ATMA – Agricultural Technology Management Agency) अंतर्गत आयोजित विशेष कार्यक्रमात सिंधुदुर्ग जिल्ह्यातील शेतकऱ्यांनी उत्साहाने सहभाग नोंदवला. या प्रसंगी केंद्रीय कृषी राज्य मंत्री महोदय यांनी महाराष्ट्रातून खास सिंधुदुर्ग जिल्ह्यातील शेतकऱ्यांशी थेट संवाद साधून त्यांच्या शेतीविषयक अनुभवांची व उपक्रमांची आपुलकीने चौकशी केली व संवाद साधून आंबा, काजू बागायत विषयावर चर्चा केली, या
कार्यक्रमाचा शुभारंभ प्रशिक्षण घेणारे ज्येष्ठ शेतकरी राजाराम परब (वेगुर्ला) आणि दोडामार्ग येथील सुहास देसाई (दोडामार्ग)यांच्या शुभहस्ते दीपप्रज्वलन करून करण्यात आला.
या कार्यक्रमाला आत्मा योजनेअंतर्गत जिल्ह्यातील अनेक प्रमुख शेतकरी व प्रतिनिधी मोठ्या संख्येने उपस्थित होते. यामध्ये आदर्श गाव केर चे माजी सरपंच तथा प्रगतशील शेतकरी प्रेमानंद देसाई, विनायक शेटवे, विनिता देसाई, पूजा देसाई, गुरु पाताडे, माणगावकर, पवार, संदीप देसाई, वैभव प्रभु, तिरलोटकर, केळुसकर, संदीप प्रभुतेंडूलकर, बावस्कर, मापारी, मेस्त्री, रावराणे, तावडे, डिचोलकर, भोगले, कानडे यांच्यासह अनेक शेतकरी बांधव उपस्थित होते.
केंद्रीय मंत्र्यांनी सिंधुदुर्गातील शेतकऱ्यांच्या आधुनिक व तंत्रज्ञानावर आधारित शेती पद्धतीचे कौतुक केले तसेच कृषी क्षेत्रातील विविध योजनांचा जास्तीत जास्त लाभ घेण्याचे आवाहन केले. या संवादामुळे जिल्ह्यातील शेतकऱ्यांमध्ये नवीन ऊर्जा व उत्साह पाहायला मिळाला.
फोटो
शेती वाचवा अभियान तथा पीएम किसान उत्सव दिवस कार्यक्रमाचे उद्घाटन करताना केंद्रीय मंत्री कृषी राज्यमंत्री श्रीमती शोभा करंदलाजे संचालक टी के मेहरा शेतकरी प्रतिनिधी,राजाराम परब, सुहास देसाई आदी मान्यवर
शेतकरी सोबत संवाद साधून चर्चा करताना
