जिल्हा बँक अध्यक्ष मनीष दळवी यांची उपस्थिती
सावंतवाडी । प्रतिनिधी :
शासकिय आधारभूत किंमत भात खरेदी योजना सन २०२२-२३ अंतर्गत भात खरेदीचा शुभारंभ सिंधुदुर्ग जिल्हा मध्यवर्ती सहकारी बँकेचे अध्यक्ष मनिष दळवी यांच्या शुभहस्ते तर जिल्हा बँक संचालक विद्याधर परब यांच्या उपस्थितीत मळगांव येथे करण्यात आला.
सदर भात खरेदी करीता शासनाने प्रती क्विंटल २०४० रुपये एवढा दर जाहीर केला आहे. भात खरेदी ऑनलाईन असलेमुळे, ज्या शेतक-याचे रजिस्ट्रेशन ३० नोव्हेंबरपूर्वी होणार आहे. अशाच शेतक-यांनी केंद्रावर भात विक्रीस आणावयाचे आहे. सावंतवाडी तालुका सह. खरेदी विक्री मार्फत सावंतवाडी, मळगांव, मळेवाड, तळवडे, कोलगांव, मडूरा, डेगवे व भेडशी येथे भात खरेदी केंद्रे सुरु करण्यात आली आहेत. तरी या योजनेचा सर्व शेतक-यांनी लाभ घ्यावा असे आवाहन मनिष दळवी यांनी केले.
यावेळी जिल्हा बँक संचालक विद्याधर परब, सावंतवाडी खरेदी विक्री संघाचे नवनिर्वाचित संचालक प्रमोद गावडे यांनीही शेतकर्यांना बहुमोल असे मार्गदर्शन केले. शेतक-यांनी चालू पीक पेरा नोंदीचा भात शेतीचा ७/१२ आधारकार्ड झेरॉक्स व पासबुकाची झेरॉक्स घेवून भात खरेदी केंद्रावर स्वतः हजर राहून ३० नोव्हेंबर पर्यंत शेतकरी नोंदणी करुन घ्यावयाची आहे असे आवाहनही यावेळी करण्यात आले.
यावेळी मळगांव उपसरपंच हनुमंत पेडणेकर, पोलिस पाटील सौ. रोशनी जाधव तसेच संस्थेचे संचालक प्रमोद सावंत, शशिकांत गावडे, विनायक राऊळ आत्माराम गावडे, प्रभाकर राऊळ, रघुनाथ रेडकर, दत्ताराम कोळमेकर, नारायण हिराप, भगवान जाधव, संस्थेचे व्यवस्थापक महेश परब, संस्थेचे कर्मचारी व पंचक्रोशीतील प्रगतशील शेतकरी उपस्थित होते.
Sindhudurg
