रत्नागिरी (वार्ताहर): रत्नागिरी जिल्ह्यात गेल्या २४ तासांपासून पावसाचा जोर काहीसा ओसरला असून, आज, २१ ऑगस्ट २०२५ रोजी सकाळी ८ वाजता नोंदवलेल्या एकूण पावसात जिल्ह्यात सरासरी ३३.७६ मिमी पावसाची नोंद झाली आहे. यामध्ये राजापूर तालुक्यात सर्वाधिक ६१.०० मिमी पाऊस कोसळला, तर रत्नागिरी तालुक्यात सर्वात कमी १९.७७ मिमी पावसाची नोंद झाली आहे.
जिल्हा प्रशासनाने दिलेल्या माहितीनुसार, आज सकाळी ८ वाजेपर्यंतच्या २४ तासांमध्ये जिल्ह्यात एकूण ३०३.९० मिमी पावसाची नोंद झाली. तालुकानिहाय पावसाची आकडेवारी पुढीलप्रमाणे:
* राजापूर: ६१.०० मिमी
* चिपळूण: ५८.५६ मिमी
* संगमेश्वर: ४८.८३ मिमी
* खेड: ३५.७१ मिमी
* लांजा: ३४.४० मिमी
* मंडणगड: २८.७५ मिमी
* गुहागर: २४.६० मिमी
* दापोली: २३.२८ मिमी
* रत्नागिरी: १९.७७ मिमी
सतत पडणाऱ्या पावसामुळे नद्यांच्या पाणी पातळीत वाढ होण्याची शक्यता असून, प्रशासनाने नागरिकांना सतर्क राहण्याचे आवाहन केले आहे. आवश्यकतेनुसार नदीकाठच्या रहिवाशांनी सुरक्षित ठिकाणी स्थलांतर करण्याची तयारी ठेवावी, असेही प्रशासनाकडून सांगण्यात आले आहे.
