आमदार निलेश राणे यांचा यशस्वी पाठपुरावा : भूमिगत वीज वाहिनी टाकताना रस्त्यांची खोदाई : मालवण, वायरी, तारकर्ली, देवबाग मार्गांवरील रस्त्यांची होणार दुरुस्ती
मालवण | प्रतिनिधी : भूमिगत वीज वाहिनी टाकण्याचे काम गतवर्षी मालवण, वायरी, तारकर्ली, देवबाग मार्गांवर करण्यात आले. या दरम्यान रस्त्यांची खोदाई करण्यात आली होती. या रस्त्यांच्या दुरुस्तीसाठी तात्काळ निधी उपलब्ध व्हावा अशी मागणी आमदार निलेश राणे यांनी केली होती. त्यानुसार वीज विभागाच्या माध्यमातून सुमारे 1 कोटी 45 लाख रुपये निधी डिपॉजिट करण्यात आला असून लवकरच रस्त्यांची दुरुस्ती पुर्ण केली जाणार आहे.
मालवण, वायरी, तारकर्ली, देवबाग मार्गांवर भूमिगत वीज वाहिनी टाकताना रस्त्यांची खोदाई झाली. मोठया प्रमाणात वाहतूक असणाऱ्या या रस्त्यांची डागडुजी तात्काळ होणे गरजेचे आहे. वाहन चालक, पर्यटक तसेच नागरिकांना त्रास होणार नाही याची काळजी महत्वाची आहे. असे सांगत आमदार निलेश राणे यांनी तात्काळ निधी उपलब्ध करणेबाबत सूचना केल्या. त्यानुसार सुमारे दीड कोटी निधी वीज विभागाने सार्वजनिक बांधकाम विभागाकडे डिपॉझिट केला आहे. लवकरच रस्त्यांच्या दुरुस्तीचे काम पुर्ण केले जाईल. अशी माहिती देण्यात आली आहे.
