– प्रशांत हरचेकर, रत्नागिरी
वाढदिवस विशेष
हिंदुत्वाचा बुलंद आवाज व महाराष्ट्र राज्याचे मत्स्यव्यवसाय व बंदरे विकासमंत्री नितेश राणे यांनी महाराष्ट्राच्या राजकारणात आपल्या स्पष्टवक्तेपणाने, आक्रमक भूमिकेने आणि विकासाभिमुख कामगिरीने एक वेगळी ओळख निर्माण केली आहे. बंदरे विकास आणि मत्स्यव्यवसाय मंत्री म्हणून पदभार स्वीकारल्यानंतर त्यांनी महाराष्ट्राच्या सागरी अर्थव्यवस्थेला गती देण्यासाठी महत्त्वपूर्ण पावले उचलली आहेत. आज २३ जून रोजी त्यांच्या वाढदिवसानिमित्त त्यांच्या कार्याचा घेतलेला थोडक्यात आढावा…
राजकारणात केवळ भाषणांनी नव्हे, तर कृतीतून जनतेचा विश्वास संपादन करणाऱ्या ना. नितेश राणे यांनी मत्स्य व्यवसाय, बंदरे विकास विभागाचा कार्यभार हाती घेतल्यानंतर किनारपट्टीवरील पायाभूत सुविधा आणि मच्छीमारांच्या कल्याणासाठी सातत्याने प्रयत्न केले आहेत. मत्स्य व्यवसायाला आधुनिक तंत्रज्ञानाची जोड, मत्स्य बंदरांचा विकास, थंड साखळी (कोल्ड चेन) उभारणी आणि मच्छीमारांना अधिक
सक्षम करण्यासाठी विविध योजनांना त्यांनी गती दिली
आहे.
याचबरोबर हिंदुत्वाच्या विचारांवर ठाम भूमिका घेणारे नितेश राणे हे स्पष्टवक्ते आणि निर्भिड नेतृत्व म्हणून ओळखले जातात. सामाजिक आणि सांस्कृतिक विषयांवर त्यांनी वेळोवेळी ठाम भूमिका मांडत आपल्या समर्थकांमध्ये विश्वास निर्माण केला आहे. त्यांच्या भाषणशैलीतील स्पष्टता आणि जनतेशी असलेला थेट संवाद यामुळे त्यांना विशेष लोकप्रियता लाभली आहे.
कोकणाच्या सर्वांगीण विकासासाठी रस्ते, पर्यटन, मत्स्य व्यवसाय, बंदरे आणि रोजगारनिर्मिती या क्षेत्रांमध्ये त्यांनी सातत्याने पाठपुरावा केला आहे. प्रशासनातील निर्णय प्रक्रियेला गती देत विकासकामे मार्गी लावण्यावर त्यांचा भर राहिला आहे. त्यामुळे कोकणाच्या विकासाला नवी दिशा मिळत असल्याची भावना अनेक नागरिक व्यक्त करतात.
युवकांशी असलेला त्यांचा संवाद, कार्यकर्त्यांशी असलेले जिव्हाळ्याचे नाते आणि संकटसमयी मदतीसाठी तत्पर असलेली त्यांची कार्यशैली यामुळे ते अनेकांच्या मनात विशेष स्थान निर्माण करू शकले आहेत. संघर्षातून नेतृत्व घडविणाऱ्या या नेत्याने आपल्या कामाच्या जोरावर राज्याच्या राजकारणात स्वतंत्र ठसा उमटवला आहे.
ना.नितेश राणे यांना त्यांच्या वाढदिवसानिमित्त उत्तम आरोग्य आणि दीर्घायुष्य लाभो याच मनःपूर्वक शुभेच्छा! देशाच्या, महाराष्ट्राच्या आणि विशेषतः कोकणच्या विकासासाठी त्यांचे कार्य अधिक व्यापक होत राहो, हीच सदिच्छा.
