राजापूर :
राजापूर तालुक्यातील तळगाव पाटीलवाडी येथे सामाईक जमीन मिळकतीमधून बेकायदेशीरपणे खैराची झाडे चोरून नेल्याची घटना घडली आहे. ही घटना ३ ऑगस्ट २०२५ सकाळी ९:०० ते ६ ऑगस्ट २०२५ दुपारी १७:३० वाजण्याच्या दरम्यान मौजे तळगाव येथील ‘गौळणमळी’ नजीक असलेल्या सर्वे नंबर २७६, ५ या सामाईक शेतजमीन मिळकतीत घडली. याप्रकरणी फिर्यादी भूषण विलास सावंत (वय ३४ वर्षे, व्यवसाय- शेती, रा. तळगाव पाटीलवाडी) यांनी दिलेल्या तक्रारीवरून, संशयित आरोपी प्रताप संजय सावंत (वय ३१ वर्षे, रा. तळगाव पाटीलवाडी) याच्या विरुद्ध राजापूर पोलीस ठाण्यात गुन्हा दाखल करण्यात आला आहे.
आरोपीने फिर्यादीच्या वडिलांच्या मालकीच्या या सामाईक जमिनीतून ६,२२० रुपये किमतीची, सुमारे १० ते १२ वर्षे वयाची एकूण ४ खैराची झाडे चोरून नेली. यातील एक झाड कटरच्या साहाय्याने मुळापासून तोडले असून, उर्वरित तीन झाडे खड्डे खणून मुळासकट उपटून काढण्यात आली आहेत. याप्रकरणी ६ जुलै २०२६ रोजी रात्री २१:२३ वाजता राजापूर पोलिसांत गु.र.नं. १७७/२०२६ नुसार भारतीय न्यायसंहिता अधिनियम २०२३ च्या कलम ३०३(२) प्रमाणे गुन्हा दाखल करण्यात आला असून पोलीस पुढील तपास करत आहेत.
