इन्सुली खामदेव नाका येथील प्रकार
सावंतवाडी : महाराष्ट्र शासनाने एकीकडे गोमातेला ‘राज्यमाता’ म्हणून नुकतेच जाहीर केलेलं असतानाही कत्तलीसाठी होणारी गो तस्करी मात्र सुरूच असल्याचा प्रकार आज उघड झाला. इन्सुली खामदेव नाका येथे गो तस्करी करणाऱ्या गाडीवर कारवाई करण्यात आली. गो रक्षक व पोलिसांनी ही कारवाई करत संबंधित टेम्पो रोखला. बांदा तपासणी नाका येथे पुढील कारवाई सुरू आहे.
देवगड येथील गाई गुरे कत्तलीसाठी दोडामार्ग मार्गे कर्नाटक घेऊन जाण्याचा प्रयत्न गो तस्करांकडून करण्यात आला. मात्र, गो रक्षकांनी हा प्रयत्न हाणून पाडला. पोलीसांच्या मदतीने गो तस्करी करणारी गाडी इन्सुली खामदेव नाका येथे अडविण्यात आली. संबंधितांवर पोलिस कारवाई करण्यात येत आहे.
एकीकडे, महाराष्ट्र सरकारनं देशी गायींना ‘राज्यमाता-गोमाता’ म्हणून घोषित करण्याचा निर्णय घेतला आहे. या निर्णयानंतर प्रथमच गो तस्करीची घटना समोर आली आहे. त्यामुळे गोमातेला राज्यमातेचा दर्जा मिळून देखील त्या सुरक्षित नसल्याचे दिसून या प्रकारामुळे दिसून येत आहे. संबंधितावर जास्तीत जास्त कठोर कारवाई करावी अशी मागणी गोरक्षकांनी केली आहे.
