दोडामार्ग -सुहास देसाई
भारतीय जनता पार्टी महाराष्ट्र प्रदेशने आयोजित केलेल्या ‘सेवा पंधरवडा अभियान’ अंतर्गत दोडामार्ग भाजप मंडळाची नियोजन कार्यशाळा नुकतीच उत्साहात पार पडली. या अभियानाअंतर्गत १७ सप्टेंबर ते २ ऑक्टोबर या कालावधीत विविध उपक्रम राबवण्यात येणार आहेत.
तालुकाध्यक्ष श्री. दीपक गवस यांनी या अभियानाची माहिती दिली. यामध्ये आरोग्य शिबिर, रक्तदान शिबिर, बूथ स्तरावर स्वच्छता अभियान, ‘एक पेड माँ के नाम’ वृक्षारोपण, आणि पंडित दीनदयाळ उपाध्याय जयंतीनिमित्त कार्यक्रमांचे आयोजन करण्यात आले आहे. सर्व पदाधिकारी आणि कार्यकर्त्यांनी हे उपक्रम यशस्वी करण्यासाठी सहभाग घ्यावा, असे आवाहन श्री. गवस यांनी केले.
या कार्यशाळेला दोडामार्ग नगराध्यक्ष श्री. चेतन चव्हाण, माजी जिल्हा परिषद उपाध्यक्ष श्री. राजेंद्र म्हापसेकर, जिल्हा कार्यकारणी सदस्य श्री. संतोष नानचे, श्री. चंद्रकांत मलिक, आणि जिल्हा परिषद उपाध्यक्ष श्री. एकनाथ नाडकर्णी यांच्यासह अनेक प्रमुख पदाधिकारी उपस्थित होते.
यावेळी तालुका स्तरावर आरोग्य शिबिर, बूथ स्तरावर पंडित दीनदयाळ उपाध्याय यांच्या प्रतिमेला पुष्पहार अर्पण करणे, वृक्षारोपण आणि बूथ कार्यकर्ता बैठक घेण्याचे नियोजन करण्यात आले. या सर्व उपक्रमांचे यशस्वी आयोजन करण्याचे आवाहन मंडळ तालुकाध्यक्ष दीपक गवस यांनी केले.
या कार्यशाळेत दोडामार्ग नगराध्यक्ष श्री.चेतन चव्हाण, माजी जिल्हा परिषद उपाध्यक्ष श्री. राजेंद्र म्हापसेकर, जिल्हा कार्यकारणी सदस्य श्री. संतोष नानचे, श्री. चंद्रकांत मलिक, जिल्हा परिषद उपाध्यक्ष श्री. एकनाथ नाडकर्णी, युवा मोर्चा जिल्हा चिटणीस श्री. देवेंद्र शेटक, तालुका सरचिटणीस सिद्धेश पांगम,तालुका चटणीस श्री. नाना देसाई, युवा मोर्चा अध्यक्ष श्री. पराशर सावंत, शहर अध्यक्ष श्री. राजेश फुलारी, महिला मोर्चा अध्यक्ष सौ. दिक्षा महालकर, उपाध्यक्ष श्री. सुनिल गवस,सौ. आकांक्षा शेटकर, युवा मोर्चा उपाध्यक्ष श्री. दिलखुश देसाई, सौ. हसीना शेख, समीर गवस,पंकज गवस,संजय गवस,श्री. इस्माईल चांद, कृष्णा धुरी,प्रकाश गवस, प्रीतम पोकळे आदी पदाधिकारी व कार्यकर्ते उपस्थित होते
