दोन लाखांचे नुकसान; चौघांवर गुन्हा दाखल
चिपळूण (प्रतिनिधी) : तालुक्यात एका धक्कादायक घटनेत, मालकीच्या जागेत अनधिकृत प्रवेश करून घराची जाणीवपूर्वक तोडफोड करत सुमारे दोन लाखांचे नुकसान केल्याप्रकरणी चौघा आरोपींविरुद्ध गुन्हा दाखल करण्यात आला आहे. पुण्याच्या कोथरूड येथील रहिवासी असलेल्या एका ५९ वर्षीय गृहिणीने ही फिर्याद दिली आहे.
पोलिसांनी दिलेल्या माहितीनुसार, फिर्यादी माधूरी शेखर सावंत (वय ५९, व्यवसाय-गृहणी, रा. सहकारवृंद सोसायटी, प्लॉट नं.२३, लेन नंबर १३, परमहाऊस नगर, कोथरूड, पुणे) यांनी चिपळूण पोलीस स्टेशनमध्ये ही तक्रार दाखल केली आहे. फिर्यादीच्या म्हणण्यानुसार, ही फौजदारीपात्र अतिक्रमणाची घटना २९ सप्टेंबर २०२५ ते २६ ऑक्टोबर २०२५ रोजी सकाळी ९.३५ वाजण्याच्या दरम्यान चिपळूण येथे घडली. याप्रकरणी गुन्हा दाखल २७ ऑक्टोबर रोजी दाखल करण्यात आला आहे. या गुन्ह्यात वसंत गोविंद भडवलकर, वनिता वसंत भडवलकर, संतोष वसंत भडवलकर आणि रणजित वसंत भडवलकर (सर्व रा. वैजी, ता. चिपळूण) या चौघांना आरोपी करण्यात आले आहे. यातील आरोपी वसंत गोविंद भडवलकर, वनिता वसंत भडवलकर, संतोष वसंत भडवलकर आणि रणजित वसंत भडवलकर यांनी फिर्यादी माधुरी शेखर सावंत यांच्या मालकीच्या जागेमध्ये अनधिकृत प्रवेश केला. इतकेच नव्हे तर, त्यांनी फिर्यादी यांचा ‘माधूरी शेखर सावंत’ नावाचा लोखंडी बोर्ड तोडला आणि फिर्यादी यांच्या घराचे जाणीवपूर्वक तोडफोड व नासधूस केली. आरोपींनी केलेल्या या कृत्यात सुमारे दोन लाख रुपये किमतीचे नुकसान झाले आहे. या गंभीर गुन्ह्याप्रकरणी चौघा आरोपींविरुद्ध गुन्हा दाखल करण्यात आला असून, चिपळूण पोलीस अधिक तपास करत आहेत.
