कवी विजयआनंद जोशींच्या साहित्यकृतीचा जनसेवा ग्रंथालयातर्फे गौरव
रत्नागिरी: साहित्य आणि वाचन चळवळ वृद्धिंगत करण्याच्या उद्देशाने कार्यरत असलेल्या जनसेवा ग्रंथालयातर्फे कवी श्री. विजयआनंद जोशी लिखित ‘थो़डं कळत थो़डं नकळत’ या कविता व गझलसंग्रहाचा प्रकाशन सोहळा आज (शनिवार, दि. २५ ऑक्टोबर २०२५) सायंकाळी ६ वाजता आयोजित करण्यात आला आहे.
शेरेनाका येथील राणी लक्ष्मीबाई सभागृहात हा प्रकाशन सोहळा पार पडणार आहे. कार्यक्रमाचे प्रमुख पाहुणे सा. कोकण मीडियाचे प्रकाशक आणि संपादक श्री. प्रमोद कोनकर यांच्या हस्ते या संग्रहाचे प्रकाशन होईल.
या प्रकाशन सोहळ्यानंतर संग्रहाच्या सोहळ्यानिमित्त निर्मित ‘काव्यसंमेलन’ (अर्थात प्रत्येक काव्याच्या अंतर्मनात दडलेली कविता) आयोजित करण्यात आले आहे. यामध्ये श्री. संजय कुळ्ये, श्री. शुभम् कदम, श्री. नितीन देशमुख, सौ. अर्चना देवधर, श्री. अरुण मोर्ये आणि कवी श्री. विजयआनंद जोशी (अध्यक्ष) हे कवी आपली स्वलिखित काव्यरचना सादर करतील.
जनसेवा ग्रंथालयाच्या स्वातंत्र्यलक्ष्मी चौक, रत्नागिरी येथील वतीने आयोजित या कार्यक्रमास सर्व काव्यप्रेमी, साहित्य रसिक, वाचक, सभासद आणि विद्यार्थ्यांनी मोठ्या संख्येने उपस्थित राहावे, असे आवाहन ग्रंथालयाचे अध्यक्ष श्री. प्रकाश दळवी, सचिव श्री. राहुल कुलकर्णी आणि कार्यवाह श्री. ओंकार मुळ्ये यांनी केले आहे.
