रत्नागिरी जिल्ह्यात ३ मार्चपासून उष्णता वाढणार; कृषी विद्यापीठाचा आंबा, काजू व पशुपालनासाठी विशेष सल्ला

रत्नागिरी (प्रतिनिधी): रत्नागिरी जिल्ह्यात आगामी काळात हवामानात बदल होण्याची शक्यता असून, ३ मार्चपासून कमाल तापमानात २ ते ३ अंश सेल्सिअसने वाढ होण्याचा अंदाज ग्रामीण कृषी मौसम सेवा आणि डॉ. बाळासाहेब सावंत कोकण कृषी विद्यापीठाने वर्तवला आहे. या कालावधीत पाऊस पडण्याची शक्यता नसली तरी कमाल तापमान ३४ ते ३६ अंश सेल्सिअसपर्यंत पोहोचू शकते, त्यामुळे पिकांचे आणि पशुधनाचे नियोजन करण्याचे आवाहन करण्यात आले आहे.