चिपळूण | वार्ताहर : जिल्हा परिषद रत्नागिरी, पंचायत समिती चिपळूण व शिरगाव माध्यमिक व उच्च माध्यमिक विद्यालय शिरगाव यांच्या वतीने २०२२-२३ या शैक्षणिक वर्षातील तालुकास्तरीय विज्ञान प्रदर्शन व मेळावा आयोजित करण्यात आला आहे.तालुकास्तरीय विज्ञान प्रदर्शनाचे नियोजन पुढील प्रमाणे करण्यात आले आहे. यामध्ये सोमवार दिनांक ९ जानेवारी ते ११ जानेवारी पर्यंत आयोजित करण्यात आले आहे . यामध्ये सोमवार दिनांक ९ रोजी सकाळी ११ ते सायंकाळी ४ वाजता विज्ञान साहित्य मांडणी व नोंदणी, मंगळवार दिनांक १० रोजी सकाळी ९ ते १०.३० वाजता विज्ञान दिंडी, मंगळवार १० रोजी सकाळी १०.३० ते दुपारी १२ वाजता उद्घाटन समारंभ त्यानंतर दुपारी १२ ते सायंकाळी ५ वाजता प्रतिकृती परीक्षण व प्रश्नमंजुषा, बुधवार दि. ११ रोजी सकाळी १०.३० ते ११.३० वाजता विज्ञान नाटिका त्यानंतर दुपारी १.३० ते सायंकाळी ४ वाजता बक्षीस वितरण समारंभ होणार आहे. या कार्यक्रमाला उपस्थित राहून विज्ञान प्रदर्शन व मेळाव्याचा आनंद घ्यावा, असे आवाहन गटशिक्षणाधिकारी दादासाहेब इरनक, गटविकास अधिकारी श्रीमती उमा घारगे-पाटील, शिरगाव विद्यालयाचे मुख्याध्यापक मुकुंद रोकडे व स्थानिक स्कूल कमिटी यांनी केले आहे.
