मंडणगड | प्रतिनिधी : ‘आपल्या समाजाप्रती सात्विक व समर्पणाची भावना असेल तरच समाजाचे सर्व प्रश्न सुटतील व समाजाची सर्वांगीण उन्नती होईल असे मानून ज्या ज्या ठिकाणी समाजासाठी काम करण्याची संधी मिळाली, त्याठिकाणी कार्यरत राहिलो.’ असे प्रतिपादन नुकताच भारत सरकारचा मानाचा पद्श्री पुरस्कारप्राप्त कर्मवीर दादा इदाते यांनी केले. ते लोकनेते गोपीनाथजी मुंडे महाविद्यालय, मंडणगड येथे मंडणगड शहर व्यापारी संघटनेच्या वतीने आयोजित नागरी सन्मान सोहळयात बोलत होते. यावेळी मंडणगड शहर व्यापारी संघटनेचे अध्यक्ष श्री. प्रमोद काटकर, उपाध्यक्ष श्री. निलेश गोवळे, संस्थेचे सहकार्यवाह श्री. विश्वदास लोखंडे, श्री. सुनिलभाई मेहता,वैभव काेकाटे, श्री. संतोश चव्हाण, श्री. विजय आंब्रे, महाविद्यालयाचे प्राचार्य प्रा. डॉ. राहुल जाधव, नगरसेवक श्री. विनोद जाधव, श्री. अर्जुन भोसले, श्री. दिपक घोसाळकर, श्री. प्रकाश शिगवण, श्री. योगेश जाधव, मंडणगड पत्रकार संघटनेचे अध्यक्ष श्री. विनोद पवार, श्री. प्रशांत सुर्वे, मुख्याध्यापक श्री. भास्कर जायभाये, श्री. सुनिल घाणेकर, श्री. राजेंद्र मंडपे, सौ. स्मीता थोरे, कृशिभूषण श्री. अनंत सावंत आदी मान्यवर उपस्थित होते.
ते पुढे म्हणाले की, माझे गुरुवर्य श्री. गोपाळराव भागवत यांच्या प्रेरणेने मी 1970 साली सर्वप्रथम मंडणगड येथे आलो. तेव्हांपासून आजपर्यंत मंडणगडशी अत्यंत जिव्हाळयाचे संबंध प्रस्थापित झाले आहेत. पुढे या ठिकाणी श्री. रामभाई लेंढे, श्री. रामशेठ कोकाटे, श्री. विजयभाई मेहता, श्री. प्रमोद काटकर श्री. दळवी, श्री. मधुकर मर्चंडे यांच्यासारखी मोठया मनाची सर्व पक्षीय कितीतरी माणसे भेटली. या सर्वांच्या सहकार्यातूनच मंडणगड व परिसरात सावित्रीबाई फुले शिक्षण संस्थेच्या माध्यमातून उपेक्षित समाजाच्या व अन्य शैक्षणिक संस्थांच्या विकासासाठी काम करण्याची मला संधी मिळाली हे मी माझे भाग्य समजतो. तत्वांशी कधीही तडतोड न करता आपण या समाजाचे एक घटक आहोत असे समजून शक्य त्या सर्व प्रकारची मदत करीत राहिलो. असे सांगून त्यांनी सत्कार केल्याबद्दल सर्वांप्रती कृतज्ञता व्यक्त केली.
यावेळी लोकनेते गोपीनाथजी मुंडे महाविद्यालय, मंडणगड, हुतात्मा तुकाराम बबन भोईटे विद्यामंदिर व कनिष्ठ महाविद्यालय कुंबळे, भारतरत्न डॉ. बाबासाहेब आंबेडकर माध्यमिक विद्यामंदिर आंबडवे, राजे प्रतिष्ठान मंडणगड, मंडणगड तालुका पत्रकार संघ, छत्रप्रती शिवाजी विद्यालय सोवेली, ज्ञानगंगा इंग्लिश मिडियम स्कूल मंडणगड, जय भवानी मराठा पतसंस्था मंडणगड, मंडणगड पोलीस स्थानक महिला दक्षता समिती,दापोली अर्बन बॅंक शाखा मंडणगड आदी संस्थांच्या वतीने कर्मवीर दादा इदाते यांचा भव्य नागरी सत्कार करण्यात आला. यावेळी डॉ. विष्णू जायभाये यांनी सत्कारमूर्तीचा परिचय करुन दिला.
आपल्या प्रास्ताविक भाषणात प्राचार्य प्रा. डॉ. राहुल जाधव यांनी सांगितले की समाजाच्या विकासासाठी आपल्या घरावर तुळशीपत्र ठेवून मंडणगडसारख्या मागास भागाच्या सर्वांगीण विकासाचे ध्येय ठेवून वंचित घटकांना मुख्य प्रवाहात आनण्यासाठी मा. दादांनी अहोरात्र मेहनत घेतली. समाजाच्या उध्दारासाठी केलेल्या कार्याची दखल घेवूनच भारत सरकारने त्यांना सन्मानीत केले आहे.मंडणगड शहर व्यापारी संघटनेचे अध्यक्ष श्री. प्रमोद काटकर यांनी सांगितले की, समाजातील वंचित घटकांचा शोध घेवून त्यांच्या विकासासाठी मा. दादांनी खूपच मेहनत घेतली. एक सर्वसामान्य माणूस आपल्या कार्यकर्तृत्वाने किती मोठया पदावर जाऊ शकतो हे आज दादांनी सिध्द केले आहे. त्यांना दीर्घायुष्य लाभो अशी मी प्रार्थना करतो. यावेळी कु. दीक्षा भारदे, माजी विद्यार्थी राजेश पारेख, नगरसेवक श्री. विनोद जाधव, श्री. निलेश गोवळे यांनी आपले मनोगत व्यक्त केले.कार्यक्रमास मंडणगड शहर व पंचक्रोशीतील विविध क्षेत्रातील मान्यवर, शालेय व महाविद्यालयीन विद्यार्थी, कर्मचारी मोठया संख्येने उपस्थित होते. कार्यक्रमाचे सूचत्रंचालन डॉ. संगिता घाडगे यांनी तर आभार डॉ.शामराव वाघमारे यांनी मानले
