कुटरे l चिपळूण | शेतकऱ्यांना, मर्यादित स्त्रोतांमुळे, अनेकदा जनावरांसाठी पुरेसे खाद्य तयार करण्यासाठी संघर्ष करावे लागतात त्यांच्यासमोर अझोला हा योग्य पर्याय आहे. अझोला, एक अद्भुत जलचर फर्न वनस्पती आहे, ती पाण्याच्या पृष्ठभागावर वेगाने वाढते. अझोला हे गुरेढोरे, मासे, डुक्कर आणि कुक्कुटपालनासाठी एक आदर्श शाश्वत खाद्य आहे. पोल्ट्री पक्षांना अझोला खायला दिल्याने ब्रॉयलर कोंबडीचे वजन सुधारते आणि अंडी उत्पादनात वाढ होते. अझोलामध्ये खूप जास्त प्रथिने, अमीनो ऍसिड, जीवनसत्त्वे आणि खनिजे असतात, म्हणून हे पशुधनासाठी एक उत्कृष्ट पोषक आहार आहे. अझोला वातावरणातील नायट्रोजनचे निराकरण करते आणि पानांमध्ये साठवते. अझोला नायट्रोजन स्थिर करण्यात मदत करते, अझोला हा नायट्रोजनचा उत्कृष्ट स्रोत आणि उच्च पोषक मूल्य आहे. त्यामुळे त्याचा वापर हिरवळीचे खत म्हणून केला जातो. भात शेतकऱ्यांनी भातशेतीत अझोलाची लागवड करून भात उत्पादनात २०% वाढ केल्याचे निरीक्षण करण्यात आले आहे. त्यामुळे अनेक शेतकरी अझोला लागवडीकडे आकर्षित होत आहेत. अझोला लागवडीसाठी कमी गुंतवणूक आवश्यक आहे; त्यामुळे चांगल्या खाद्यासाठी आणि चांगल्या जैव खतासाठी हा कमी खर्चाचा पर्याय उपलब्ध आहे. अशी माहिती ‘कृषिविश्व’ गटातील कृषिदूत संग्राम पाटील यांनी दिली.
सदर प्रसंगी कृषिदूतांनी अझोला उत्पादन प्रक्रिया प्रात्यक्षिक राबविले. यावेळी गणेश महिला बचत गटातील महिला तसेच कृषिदूत ऋषिकेश क्षीरसागर, तुषार यादव, सुमित सावंत, अनिकेत मस्के, यश मगर, सुयश शिंदे, आदित्य शिरसाट, शुभम हराळे, नितीश वाली, अतुल निळे, संदेश डोमाळे, ओंकार फाळके उपस्थित होते.
