रत्नागिरी ः प्रतिनिधी
मुंबई-गोवा महामार्गावरील खोपोलीनजीक कुरवले फाटा येथे कार उलटून झालेल्या अपघातात लांजा येथील महिलेचा जिल्हा शासकिय रुग्णालयात उपचारांदरम्यान मृत्यू झाला. अपघाताची ही घटना बुधवार 2 एप्रिल रोजी मध्यरात्री 2.30 वा. सुमारास घडली.
सलोनी दिनेश खाके (28, रा.कसोपसडा मुळ रा.कुर्णे खाकेवाडी,लांजा) असे अपघातातील मृत्यू झालेल्या महिलेचे नाव आहे. सलोनी खाके या पती दिनेश खाके यांच्यासोबत 1 एप्रिल रोजी कारने ठाणे येथे कपडे खरेदीसाठी गेल्या होत्या. 2 एप्रिल रोजी त्या रत्नागिरीला परतत असताना मध्यरात्री 2.30 वा. सुमारास पाली-खोपोली रस्त्यावरील कुरवले फाटा येथे त्यांच्या कारसमोर म्हैस आडवी आल्याने त्यांच्या कारचा अपघात झाला. या अपघातात सलोनी या किरकोळ जखमी झाल्याने रत्नागिरी जिल्हा शासकिय रुग्णालयात दाखल करण्यात आले होते. त्याठिकाणी उपचारांदरम्यान त्यांचा मृत्यू झाला.